Хараагүйн нүдэн. Таяг зам дээр тэмтчихэд
Хийлийн чавхдас тасарч, сэтгэлд харвахад
Хүмүний зовлонд хорвоо хатуурсан ч юмсан уу
Хэн нэгний инээд чихэнд зовлон унагана

С.М

Нүглийнхээ хүндийг дүүжлүүрт мэдэрсэн хөөрхий Вийоны
Нүцгэн шүлгүүд сэтгэлд минь хамгаас ойр
Гараа угаалгүй шүлэг бичихийг
Гарцаагүй надад Вийон сургажээ
Амьдралын гашуунд тэр автаад
Амтат гашишт мансуурчдээ
Аялгуу шүлэг нь диваажингаас там руу нисэж
Арчгүй зүрх хар даранам орчихуйд
...Тэртээ хаа холд...
Энэтээ энүүхэн ойр
Амьдрал гашуун
Амьдрал үнэнээрээ үхэлд содон
Амьдралд мансуурнам

С.М


...

Орох цасны чимээгүй будраа шиг
Оройтсон намрын шаргал төгөл шиг
Чимээгүй огторгуйн харвасан од шиг
Чихэнд содон энэ аялгуу юусан билээ?
     Зогссон зүрх амилаад цохилох шиг
     Зүүдэнд бага нас минь ороод уйлах шиг
     Энэ аялгуу эгэл хөөр юм уу
     Энэ аялгуу эгнэшгүй гуниг юмсан уу?

С.Майдар

Гуниглан суухуйяа ганцаардалд
               хүлэгдэн
Гутамшигт хорвоо сэтгэлд
               жаварлана
Үйлтэй миний сүүдэр намайг
               бараадан
Үүдэн хажууд бээвийн сууна
     Сайн ч, саар ч явахад
     Салахгүй дагах сүүдэр минь
     Салаа замаар ороод явчих
     Сэтгэл оюун ч үгүй л дээ

*  *  *

Хувь заяа хаа нэгтээс намайг дуудаж
Хуйсагнуур салхинд дэн нэгэн анивчина
Алсын бараа мананд умбаад
Ахуй нутгаа орхин одоо юу би
     Маргаашийн өдрүүд цэлмэг байг гээд
     Магад би сайныг бүтээнэ гээд
     Чимээгүйхэн өглөө болгоод
     Чамайгаа үнсээд замд гарсан даа
/Сөүл- Пусаны хурдны зам дээр. 2005 он...

Хэлэлцэх юм ЮУ Ч АЛГА гээд байх юм. 2600 хужаа оруулж ирэхээр Ганди, Зоригт хоёр үгсэн тохироод байхад ТА НАРТ хэлэх юм юу ч алга уу?

Зориг гэдгийг та юу гэж болгооно?
Зоргоороо явуулын хүн минь
Зоволтгүй, миний булшин дээрхи
Зузаан чулуун хавтанг хар
Бичсэн байна, энд
"Зоригтой дайчин энд нойрсоно" гэжээ
Бүү гайх! Харин би нойрсоогүй
Зул сарын өмнөхөн юмдаг
Найзууд минь намайг ярьцгаахдаа
Найдвартай хүн, зоригтой эр гэцгээдэгсэн
Харин би таньд нууцаа тайлъя
Халширч буцмаар хэцүү үед
Хар, цагаан дуугүй бүхнийг тэвчин
Хайж намайг эрэн улих сумыг сөрж
Шуудхан хэлэхэд үхлийг тосоод
Шуугин орох атакийг тэргүүлдэгсэн
Зориг гэж золбоотойд бус, тэвчээртэйд байдаг
Зориг гэж золиос болон халихийг ч хэлдэг
Хүн бүр зоригтой гэв үү та?
Хариулъя би, -Тиймэ...

Монгол улс яавал хөгжих вэ? Улигт асуулт. Чи өөрөө хөгж, тэгвэл улс чинь хөгжинө гэж миний зүүд хэллээ.. Урилга авсан хүнүүдэд ч биш, бүх хүнд нээлттэй блог шүү.

Хугархай гитараараа Төмөрхуяг
          солгой тоглоход
Хугасалсан архиний сүүдэр гэрэлд
          болортоод
Сөлөр Төмөрхуягийн сувдран
          бөмбөрөх нулимс
Согтуу миний цээжийг хага
          яран урсана
     ...Хэзээ нэг цагт, тэр үед
     Хун, хэрээ хоёр хүзүүгээ орооцолдуулан үхэхэд
     Хэрэв би чадвал амьсгаа тасрахдаа
     Хэгжүүн инээж үлдэхсэн гэж мөрөөднөм
          Хэзээ нэг цагт, тэр үед
          Хэрэв бодсоноор минь болох юм бол...
...Гитарын утас
Гаслант аялгуугаар дуулна...

УБ хот. Ням гараг. С.М.

...

Галидасын үгийг сэтгэлдээ шингээж
Салхинд шившээд
Ганцаардлын харгуйгаас цэцэгс түүнэм
Чи тэндээ л буй бол
Чихэнд тань салхи хүргэх вий

Урилга авсан хүн бүрт энэ блог нээлттэй